Мат сӱсӱӷуй нӓлӷуп э̄як — Я селькупка с верховья
Современный язык нарымских селькупов, стр. 130-131.
Мат сӱсӱӷу́й нӓлӷу́п э̄як — Я селькупка с верховья
Грузинская Нина Николаевна, Колпашево
Чомбе́к / По строкам
| Ман немби́кам Итӄу́мова Мари́на хельҗь по̄тӄэутэ Ӄа́зран э́дэӷэт эльма̄длап манэмбэгу́ пялдэӽы́т, на́тӄо та́бэт а́уд ӄу́мба. | Моя бабушка Иткумова Марина со своих семи лет была в няньках в Тогуре, так как её мама умерла. |
| Э̄ надэмба́ ай ко́чек эльма́дла че́лэмбат. | Отец женился, и было много детей. |
| Немби́кам шэда́ро по̄т э̄ӽа, Пидо́гин Ляксе́й та́бэп Ӄа́зран э̄дэӷэл я́рманкаӷэт твэ́лэмбат. | В 20 лет бабушку своровал Пидогин Алексей на Тогурской ярмарке. |
| Конэбо́рӷонд тамдэлба́т, ӄа́элэнд ӄота́нныт ай онэ́нҗ пӣрэӷэн ӄвэ́нэмбат. | Завернул в шубу, бросил в сани и увёз с собой. |
| Ӄа́зран э̄дэӷэл нулма̄тӄэт венча́йҷэӽаӷ. | Венчались в Тогурской церкви. |
| Немби́кам на́гэрэп а̄ тӓну́ӽыт. | Бабушка была неграмотная. |
| Таб о́ӄӄэрча́ӈгвет-гойгве́т эльма́длап че́лэӈбат, оромҗэ́шпэӽат. | Она родила 19 детей, воспитывала их. |
| Таб ма̄тӄэт ай ӄвая́ӷэт у́җеӽа, ӄвэ́лҷэкуӽа, ко́чек фӧ́дэшпэӽат, о́ӄӄэр мыга́ӽе фэ́рмеӽы, ӄо́блап петӄэлбэӽы́т, ӄо́бэл пӧ́влап фӧ̄дэшпэӽыт. | Он работала по хозяйству, рыбачила, много шила, вязала на одной игле, выделывала шкуры, шила чирки. |
| Мӧ̄дэӷэт шэда́ро хомбла́ ӱ́дымбэл мып пӧ́тпэл тэ̄домылаӽе фро́нтонд ӱ̄дэмбат. | Во время войны отправила на фронт 25 посылок тёплых вещей. |
| Хомбла́ромҗэл по̄дэлаӷэт Дрю́ня Пядро́т ӣт Дульзо́н То́пӄоутэ немби́канд Шанд э̄дэнд ӄӧ̄шӄуӽа, сӱсыӷу́й э́җэп нагэркуӽа́т. | В пятидесятые годы к моей бабушке в Новосондрово приезжал из Томска Андрей Петрович Дульзон, записывал селькупский язык. |
| Таб каче́ немби́кат чат нагэрба́т, таб уру́к фаӈ сӱсыӷу́й шэ̄п тӓну́ӽыт, уру́к ко́чек чаптэ́лап ай ҷэ́нҗэлап сӱсыӷу́й таре́ ӄадэ́шпэӽат. | Он потом написал про мою бабушку, что она очень хорошо знала селькупский язык верхней Оби, рассказывала очень много сказок и историй по-остяцки. |
| Мат най на чаптэ́лап тӓнэ́тэмбам. | Я тоже помню эти рассказы. |
| Аве́м Пидо́гина Гали́на шэ́дэгойгве́т по̄тӄэутэ абэдэмбэ́л нӓлӷу́тӄо по̄л кодо́вэмҗэтэ́ӷэт у́җеӽа Кортнае̄дэӷэт, Ӄа́лҗэӷэт. | Моя мама Пидогина Галина с 12 лет работала поваром на лесозаготовках в Чалково, Кальдже. |
| Каче́ онҗ по̄лап маҗэ́шпэкуӽат. | Потом сама пилила брёвна. |
| Бугро́вэн тэбэнемба́, хомбла́ эльма́длап че́лэӈбат. | Вышла замуж за Бугрова, родила пятерых детей. |
| Аве́м ма̄тӄэл ху́рулаӽе ӄвая́ӽа, депута́тӄо э̄ӽа. | Мама ухаживала за скотом, была депутатом. |
| Табла́ Шанд э̄дэӷэт варгэӽа́т ай ма̄тӄэт сӱсыӷу́й таре́ ҷэ́нҷэӽат. | Они жили в Новосондрово и в доме разговаривали по-селькупски. |
| Мат ко́чек ӄунда́ӄтэл и́рэл мы́лап эдэра́м: ча́ытэ, ӄу́ньҗэл пӧв, твел тӱльго́ла, кяди̇́ла, паҗя́лбэл кала́ла пу́җеллага́утэ, ча́ӷмыт чул ҷо́рӷла, квэ́льҗила, кыба́ почо́ӈгала. | Я сохранила много старинных вещей: прялка, чуни, берестяные шкатулки, набирки, долблёная посуда из капа, глиняные крынки, чугунки, кадки. |
| Мат сӱсыӷу́й элт чат, чарҗе́л ӄу́лат чат тӓнэ́тэмбак, шӧ́шӄул ай чу́мэл э́җэп о̄ӷолҗэшпам. | Я помню о селькупской жизни, о своих предках, и учу шёшкупский и нарымский селькупский язык. |
Чу́мэл җӓре́
Ман немби́кам Итӄу́мова Мари́на хельҗь по̄тӄэутэ Ӄа́зран э́дэӷэт эльма̄длап манэмбэгу́ пялдэӽы́т, на́тӄо та́бэт а́уд ӄу́мба. Э̄ надэмба́ ай ко́чек эльма́дла че́лэмбат. Немби́кам шэда́ро по̄т э̄ӽа, Пидо́гин Ляксе́й та́бэп Ӄа́зран э̄дэӷэл я́рманкаӷэт твэ́лэмбат. Конэбо́рӷонд тамдэлба́т, ӄа́элэнд ӄота́нныт ай онэ́нҗ пӣрэӷэн ӄвэ́нэмбат. Ӄа́зран э̄дэӷэл нулма̄тӄэт венча́йҷэӽаӷ.
Немби́кам на́гэрэп а̄ тӓну́ӽыт. Таб о́ӄӄэрча́ӈгвет-гойгве́т эльма́длап че́лэӈбат, оромҗэ́шпэӽат. Таб ма̄тӄэт ай ӄвая́ӷэт у́җеӽа, ӄвэ́лҷэкуӽа, ко́чек фӧ́дэшпэӽат, о́ӄӄэр мыга́ӽе фэ́рмеӽы, ӄо́блап петӄэлбэӽы́т, ӄо́бэл пӧ́влап фӧ̄дэшпэӽыт. Мӧ̄дэӷэт шэда́ро хомбла́ ӱ́дымбэл мып пӧ́тпэл тэ̄домылаӽе фро́нтонд ӱ̄дэмбат. Хомбла́ромҗэл по̄дэлаӷэт Дрю́ня Пядро́т ӣт Дульзо́н То́пӄоутэ немби́канд Шанд э̄дэнд ӄӧ̄шӄуӽа, сӱсыӷу́й э́җэп нагэркуӽа́т. Таб каче́ немби́кат чат нагэрба́т, таб уру́к фаӈ сӱсыӷу́й шэ̄п тӓну́ӽыт, уру́к ко́чек чаптэ́лап ай ҷэ́нҗэлап сӱсыӷу́й таре́ ӄадэ́шпэӽат. Мат най на чаптэ́лап тӓнэ́тэмбам.
Аве́м Пидо́гина Гали́на шэ́дэгойгве́т по̄тӄэутэ абэдэмбэ́л нӓлӷу́тӄо по̄л кодо́вэмҗэтэ́ӷэт у́җеӽа Кортнае̄дэӷэт, Ӄа́лҗэӷэт. Каче́ онҗ по̄лап маҗэ́шпэкуӽат. Бугро́вэн тэбэнемба́, хомбла́ эльма́длап че́лэӈбат. Аве́м ма̄тӄэл ху́рулаӽе ӄвая́ӽа, депута́тӄо э̄ӽа. Табла́ Шанд э̄дэӷэт варгэӽа́т ай ма̄тӄэт сӱсыӷу́й таре́ ҷэ́нҷэӽат.
Мат ко́чек ӄунда́ӄтэл и́рэл мы́лап эдэра́м: ча́ытэ, ӄу́ньҗэл пӧв, твел тӱльго́ла, кяди̇́ла, паҗя́лбэл кала́ла пу́җеллага́утэ, ча́ӷмыт чул ҷо́рӷла, квэ́льҗила, кыба́ почо́ӈгала.
Мат сӱсыӷу́й элт чат, чарҗе́л ӄу́лат чат тӓнэ́тэмбак, шӧ́шӄул ай чу́мэл э́җэп о̄ӷолҗэшпам.
Шё̄шӄуй таре̄дык
Мат сӱ̄сыӷу́й налӄу́п э̄як.
Манна̄ни̇ нимби́кам Итӄу́мова Мари́на се̄льдь по̄ндыӷындо Кирина́н э̄дыӷыт эльма̄длап оромҗызы́т, на́тӄо табынна̄ни̇ а́выт ӄӯмба. А́зыт надэмба̄ ай ко́тиӈ эльма̄дла те̄лымбат.
Пая́гам шэдса́ру по̄т э̄за, Пидо́гин Ляксе́й та́бып Кирина́н э̄дыӷый я́рманкаӷыт твэ̄лымбат. Конэбо́рӷонд тамдӭлба̄т, ӄа́ӷлынд ӄота̄нныт ай онэ́нҗ пӣрыӷын ӄваннымба́т. Кирина́н э̄дыӷый нульма̄тӄыт венча̄йчызади̇. Нимби́кам на̄грып аза́ танымба́т. Таб оккыртя́тгвэт-гвэ́ет эльма̄длап те̄лыӈбат, оромҗэ̄шпызат. Таб ма̄тӄыт ай ӄвая́ӷыт ӯдис, ӄвӭ̄лчыкус, ко́тиӈ сӧ̄ссат, о́ккыр мыга́зэ свя́рмыза, ӄо́блап пе̄ттыкузат, ӄо́би̇ пӧ́влап сӧ̄ссат. Мӧ̄дыӷыт шэдса́ру сомбла́ ӱ̄дымби̇ мып пӧ̄тпи̇ тэ̄домылазэ фро́нтонд ӱ̄дымбат. Сомбла́сарумҗэ̄ли по̄дӭлаӷыт Андрей Пядро́т ӣт Дульзо́н То̄пӄоӷындо ӄӧ̄шӄус пая́гандни̇ Сэньд э̄дэнд, сӱсыӷу́й ӭ̄җып на̄гыркузат. Таб кате́ нимби́канд тя̄т нагырба́т, таб кессе́ӈ сва̄ӈ сӱ̄сӱӷӯй шэ̄п тануза́т, кессе́ӈ ко́тиӈ тяптэ̄лап ай че̄нҗылап ӄадэ̄лишпызат сӱ̄сыӷу́й таре̄. Мат най на тяптэ̄лап танымба́м.
Аве́м Пидо́гина Галина шэд-гвэ́ет по̄ндыӷындо авыра̄лҗэшпынди̇ налӄу́тӄо ӯдис по̄ль кодо̄вымҗыттӭӷыт — Кортнае̄дыӷыт, Ӄа̄льҗӭӷыт. Кате́ онҗ по̄лап маҗэ̄шпыкузат. Бугро́вни̇ ӄумн ӄванба́т, сомбла́ эльма̄длап те̄лыӈбат. Аве́м ма̄тӄи̇ сӯрулазэ ӄвая́ккус, депута́тӄо э̄за. Табла́ Сэньд э̄дыӷыт варкыза́т ай ма̄тӄыт сӱсыӷу́й таре̄дык че̄ньчызат.
Мат ко́тиӈ ӄунда́ӄӄый ара́мби̇ мы́лап э̄дырап: ко́япса, ӄӯньҗый пӧ̄в, твей тӱльго́ла, кяду́ла, мо̄тпынди̇ кала́ла пудьлага́ӷындо, тю̄й те̄ӷмыт чо́рӷла, квы́льдила, кыба́ почо́ӈгала.
Мат сӱсыӷу́й ильса́т тя̄т, онҗ ӄу́лат тя̄т танымба́к, шё̄шӄуй ай чу́мӭл ӭ̄җып о̄ӷылҗэшпам.
По-русски
Моя бабушка Иткумова Марина со своих семи лет была в няньках в Тогуре, так как её мама умерла. Отец женился, и было много детей.
В 20 лет бабушку своровал Пидогин Алексей на Тогурской ярмарке. Завернул в шубу, бросил в сани и увёз с собой. Венчались в Тогурской церкви. Бабушка была неграмотная. Она родила 19 детей, воспитывала их. Он работала по хозяйству, рыбачила, много шила, вязала на одной игле, выделывала шкуры, шила чирки. Во время войны отправила на фронт 25 посылок тёплых вещей. В пятидесятые годы к моей бабушке в Новосондрово приезжал из Томска Андрей Петрович Дульзон, записывал селькупский язык. Он потом написал про мою бабушку, что она очень хорошо знала селькупский язык верхней Оби, рассказывала очень много сказок и историй по-остяцки. Я тоже помню эти рассказы.
Моя мама Пидогина Галина с 12 лет работала поваром на лесозаготовках в Чалково, Кальдже. Потом сама пилила брёвна. Вышла замуж за Бугрова, родила пятерых детей. Мама ухаживала за скотом, была депутатом. Они жили в Новосондрово и в доме разговаривали по-селькупски.
Я сохранила много старинных вещей: прялка, чуни, берестяные шкатулки, набирки, долблёная посуда из капа, глиняные крынки, чугунки, кадки.
Я помню о селькупской жизни, о своих предках, и учу шёшкупский и нарымский селькупский язык.