Мат маҗёнд кваяшпак — Я в тайгу езжу

Современный язык нарымских селькупов, стр. 133-134.
Мат маҗё́нд квая́шпак — Я в тайгу езжу
Туркс Максим Валерьевич, Колпашево

Чомбе́к / По строкам

Мат Ӄалпа́тӄэт варга́к, шэдча́ӈгветэмҗэл о̄ӷолҗэшпэл ма̄тшуньҗе́ӷэт о̄ӷолҗэшпак.	Я живу в Колпашево, учусь в 8-ом классе.
Ме̄ка тэ́тэгойгве́т по̄т э̄я.	Мне 14 лет.
Мат ӄвэ́лҷэгу ай ху́руҷэгу.	Я увлекаюсь охотой и рыбалкой.
Мат кат ҷа̄җэгу хэ́рэлҷа́җэӽе на́драм.	Мне нравится зимой ездить на снегоходе.
Мӣ хэ́рэлҷа́җэӽе Ӱ̄нино то̄нд, Пурульдо́нд, Ӄо́лдонд ҷа́җаут, нача́т ша́быӽе ӄа́залап квадэ́шпаут, нӱ̄лап ай печа́лап ӄвэлпя́дӽе квадэ́шпаут.	На снегоходе мы ездим на рыбалку на озеро Унино, Пурульдо и Обь ловить окуней на удочку, налимов, щук на блесну.
Аҗя́ндэ маҗё́нд ай Пӧ́дорт ӄвежа́ӄэнд ӄвая́ккай, ши̇т ча́кошлап ай нева́т ҷырп ҷоҷа́й.	С папой ездим в тайгу и Федькин бор ставить ловушки – кулёмы на соболей, петли на зайцев.
Та́эт ня́ронд квая́ккай, ма́нҗэп, нярӷ ҷо́борп, ӄвэ́рэмҗоп вадэ́шпай.	Лето ходим на болото собирать ягоду бруснику, клюкву, чернику.
Чутпа́ронд (чвэжа́ӄонд) ма́җел пу́нлатӄо квая́ккай, ӄа́лҗэнд – ха́лҗэт, ӱ́рэл, нярӷ, ӄве́т, пӣт пу́нлатӄо.	В бор ходим за боровым грибом, в пойменный лес за опятами, маслятами, подберёзовиками, подосиновиками.

Чу́мэл җӓре́

Мат Ӄалпа́тӄэт варга́к, шэдча́ӈгветэмҗэл о̄ӷолҗэшпэл ма̄тшуньҗе́ӷэт о̄ӷолҗэшпак. Ме̄ка тэ́тэгойгве́т по̄т э̄я. Мат ӄвэ́лҷэгу ай ху́руҷэгу. Мат кат ҷа̄җэгу хэ́рэлҷа́җэӽе на́драм. Мӣ хэ́рэлҷа́җэӽе Ӱ̄нино то̄нд, Пурульдо́нд, Ӄо́лдонд ҷа́җаут, нача́т ша́быӽе ӄа́залап квадэ́шпаут, нӱ̄лап ай печа́лап ӄвэлпя́дӽе квадэ́шпаут. Аҗя́ндэ маҗё́нд ай Пӧ́дорт ӄвежа́ӄэнд ӄвая́ккай, ши̇т ча́кошлап ай нева́т ҷырп ҷоҷа́й. Та́эт ня́ронд квая́ккай, ма́нҗэп, нярӷ ҷо́борп, ӄвэ́рэмҗоп вадэ́шпай. Чутпа́ронд (чвэжа́ӄонд) ма́җел пу́нлатӄо квая́ккай, ӄа́лҗэнд – ха́лҗэт, ӱ́рэл, нярӷ, ӄве́т, пӣт пу́нлатӄо.

Шё̄шӄуй таре̄дык

Мат мадё̄нд квая́шпак. Мат Ӄалпа́тӄыт варка́к, шэдтя̄ткетмҗэ̄ли о̄ӷылҗэшпи̇ ма̄дыт шуньде̄ӷыт о̄ӷылҗэшпак. Ме̄ка тэт-гвэ́ет по̄т э̄я. Мат ӄӧ̄шӄлакс ӄвӭ̄лчыгу ай сӯрульдигу. Мат на̄дырнак кат ча̄җыгу сӭ̄рыйча̄җызэ. Мӣ сӭ̄рыйча̄җызэ Ӱ̄нино то̄нд, Пурульдо̄нд, Ӄо̄лдонд ча̄җаут, наття̄т са́бызэ ӄа́залап квадэ̄шпаут, нӱ̄лап ай пеття́лап пеття́й ӄвӭ̄зэ квадэ̄шпаут. Азе́ндзэ мадё̄нд ай Пӧ́дорт ӄвежа́ӄынд ӄвая́ккай, ши̇т тя́кошлап ай нева́т о́птып чоча́й. Та́ыт ня̄ронд квая́ккай, ма́ндыт, нярӷ чо́бырп, ӄвӭ̄рымҗоп вадэ̄шпай. Ӄвежа́ӄынд ма́ди пу́нлатӄо квая́ккай, со́ронд са́лҗыт, ӱ́ри, нярӷ, ӄве́т, пӣт пу́нлатӄо.

ОК

По-русски

Я живу в Колпашево, учусь в 8-ом классе. Мне 14 лет. Я увлекаюсь охотой и рыбалкой. Мне нравится зимой ездить на снегоходе. На снегоходе мы ездим на рыбалку на озеро Унино, Пурульдо и Обь ловить окуней на удочку, налимов, щук на блесну. С папой ездим в тайгу и Федькин бор ставить ловушки – кулёмы на соболей, петли на зайцев. Лето ходим на болото собирать ягоду бруснику, клюкву, чернику. В бор ходим за боровым грибом, в пойменный лес за опятами, маслятами, подберёзовиками, подосиновиками.