Моя малая родина — Красный Яр.
Нагрешпаут онҗи, с. 24.
«Ман кыба ҷвэҷ – Нярг кэт па́рӷэт. Моя малая родина – Красный Яр.»
Сомов А. И., г. Томск.
Чомбе́к / По строкам
| Мат кара́ӷэт Нярг кэт па́рӷэт че́лэмбак. | Я родился в селе Красный Яр. |
| Кара кыге́т то́пӄэт ныӈга́. | Село стоит на берегу реки. |
| Ми́нан ме́мба варг пол ма̄т. | У нас построен большой деревянный дом. |
| Ми варга́ут тэ́тэмҗут: амба́, аҗя́, мат ай тэбня́. | Мы живём вчетвером: мама, папа, я и брат. |
| Уго́т ми́нан кара́ӷэт тэт о́голалҗэшпэл ма̄т э̄ӽа. | Раньше у нас в селе было четыре школы. |
| Элаве́м ма̄тӄэл ху́рулап вара́дэт: хы́рлап чале́ньгалаӽе, хыбыньҗя́лап, ку́ршкалап ши̇́балаӽе. | Родители держали скотину: корову с телятами, свиней, кур с цыплятами. |
| Ми нӱ́җэп паҗя́лешпэӽай ма̄ткэл ху́рулан. | Мы сено косили домашним животным. |
| Та́эт мат на́драм квэ́лҷэгу ай у́ргу. | Летом я люблю рыбачить и купаться. |
| Квэлп ора́лешпэӽай по́ӄӄлаӽе, ша́быӽе, няво́даӽе, ка́рӽе. | Рыбу добывали сетями, удочкой, неводом, мордой. |
| Шӧ́тӄэт ми́нан ко́чек ҷо́бэр орве́шпа, ко́чек пун. Квая́шпле ҷо́борп вадэ́шпаут, пу́нлап таӄӄле́шпаут. | В лесу у нас растёт много ягоды, много грибов. Ходим, берём ягоды, собираем грибы. |
| Каптэ́ орве́шпа, ня́рэго, нежпо́, па́лго, чев, аду́, кара́т ҷо́бор. | Растёт чёрная смородина, кислица, шиповник, морошка, черёмуха, боярка, клюква. |
| Тэбэлӷу́ла маҗӧ́нд квая́шпат фэ́шкэлҗэгу, ма́җеҷэгу. | Мужчины ходят в лес шишковать, охотиться. |
| Кве́җедэл кара́ э̄ӽа Нярг кэт пар. Му́нджл ӄу́ла у́җеӽадэт. | Красивое село было Красный Яр. Все люди работали. |
| Мат кек на́драм на ҷвэ́ҷэп, ка́йӷэт че́лэмбак, орве́шпэӽак, варгэӽа́к. | Я очень люблю то место, где родился, вырос, жил. |
Чу́мэл җӓре́
Мат че́лымбак кара́ӷэт Нярг кэт па́ргэт. Кара ныӈга́кыге́т то́пкот. Ми́нан ме́мба варг пол мӓт. Ми варга́ут тэ́тэмҗут: амба́, аҗӓ, мат ай тэбня́. Уго́т ми́нан кара́гэт нагу́р о́голаҗэшпэл ма̄т э̄ӽа. Эл аве́м вара́дэт мӓткэл ху́рулап: хы́рлап чале́ньгалаӽе, хыбыньҗӓлап, ку́ршкалап ши́балаӽе. Ми нӱ́җэп паҗӓлешпыӽай мӓткэл ху́рулан. Та́ыт мат на́драм квэ́лҷэгу ай у́ргу. Квэлп ора́лешпыхай по́ӄӄлаӽе, ша́быӽе, няво́даӽе, ка́рӽе. Шӧтӄэт ми́нан орве́шпа ко́чек ҷо́бэр, ко́чек пун. Квая́шпле вадэ́шпаут ҷо́борп, таӄӄле́шпаут пу́нлап. Орвешпа хаг каптэ, нӓрэго, нежпо, палго, чев, аду, карат ҷобэр. Тэбэлгула кваяшпат маҗӧнд фэшкэлҗэгу, маҗеҷэгу. Квеҗедэл кара э̄ӽа Нярг кэт пар. Вес ӄула уҗеӽадэт. Мат кек на́драм на ҷвэ́ҷэп, ка́йгэт че́лымбак, орве́шпыӽак, варгыӽа́к.
По-русски
Я родился в селе Красный Яр. Село стоит на берегу реки. У нас построен большой деревянный дом. Мы живём вчетвером: мама, папа, я и брат. Раньше у нас в селе было четыре школы. Родители держали скотину: корову с телятами, свиней, кур с цыплятами. Мы сено косили домашним животным. Летом я люблю рыбачить и купаться. Рыбу добывали сетями, удочкой, неводом, мордой. В лесу у нас растёт много ягоды, много грибов. Ходим, берём ягоды, собираем грибы. Растёт чёрная смородина, кислица, шиповник, морошка, черёмуха, боярка, клюква. Мужчины ходят в лес шишковать, охотиться. Красивое село было Красный Яр. Все люди работали. Я очень люблю то место, где родился, вырос, жил.